Headlines News :
purbalingga
Home » , » DABLONGAN BANYUMASAN

DABLONGAN BANYUMASAN

Written By Kabare Bralink on Tuesday, December 8, 2015 | 12:38 PM

Republik Dablongan (sumber : www.republikdablongan.com)
DOKTER LAN KAKI-KAKI

KAKI-KAKI : "Dok, tulung Kakine dewei 'obat tidur', merga pirang-pirang dina kiye jan angel pisan turune, koh...!".
DOKTER : "Kiyeh, Ki... Rika tek wei obat telung werna. Sing abang kanggo ngimpi ketemu kambi Yuni Shara...!".
KAKI-KAKI : "Ihiiirrr... Maen pisan kuwe...!".
DOKTER : "Kiye sing putih kanggo ngimpi ketemu kambi Ayu Ting Ting...! ".
KAKI-KAKI : "Weeeh... Pak Dokter lha pinteran pisan, ya...?".
DOKTER : "Sing kuning kiye kanggo ngimpi ketemu kambi Luna Maya...!".
KAKI-KAKI : "Jaaan, ngedab-ngedabi pisan kiye obat-abate ya... Lha ari inyong nginum obat telu kuwe bareng sisan gawe, kepriwe iloken Dok...?".
DOKTER : "Ari Kakine nginum obat telu kuwe bareng sisan gawe, Kakine mengko ketemune langsung kambi Nike Ardilla...!".
GEDHUBRAAAGG....!!!
Pasien Kaki-kaki kuwe sekal njimprak kaget, tiba kejengkang ngathang-ngathang, kosi untu palsune copot...
He...he...he...He... he... he...

Catetan : de-olah lan de-Banyumasaken sekang BBM-e Alexsander Rosaline Sandra

VETERAN TUA

Jendral tua metu sekang kakus, kelalen ora nutup sleretan kathoke.
Weruh ayakuwe, ajudane ngelingna, "Njaluk ngapura Jendral, gerdhu jagane urung detutup..!".
JENDRAL : "Wis koh, inyong miki weruh dhewek..!".
AJUDAN : "Njaluk ngapura, urung Jendral..!".
JENDRAL : "Deomong wis, koh tegin ngeyel..?".
Si Jendral banjutan lunga kambi jengkel. Ora let suwe, si Jendral sadhar yen menawa sleretan kathoke tegin mbukak.
Dheweke gegen bali maning nemoni ajudane, banjutan takon, "Nalika gerdhu jagane miki mbukak, apa Ko weruh ana perwira gedhe dhuwur sing agi ngadeg gagah pisan...?".
AJUDAN : "Njaluk ngapura Jendral, inyong mung weruh veteran tua sing brewoken agi ngethuthur, nganggo pelampung...!".
GEDHUBRAAAGG....!!!
Si Jendral Tua sekal njimprak kaget, kosi tiba kejengkang ngathang-ngathang....
He...he...he...

(Dening Agus Waluyo, Redaktur Dablongan Kabare Bralink)

Share this article :

1 comments:

 
Copyright © 2011. Kabare Bralink - All Rights Reserved
Desain by Darmanto Theme by Mas Kolis