Headlines News :
purbalingga
Home » , » Gendu-gendu Rasa Pilkada Purbalingga

Gendu-gendu Rasa Pilkada Purbalingga

Written By Kabare Bralink on Monday, December 7, 2015 | 8:33 AM


(Kabare Bralink / KPU)
Assalamu’alikum sedulur...

Kepriwe pada kabare? Sehat? Waras? Ya, semoga pada sehat, sing lagi meriang ya gagean mari ben teyeng ngode, sekolah lan aktivitas liane. Nyong arep ngomong setitik olih lah ya, sekedar go ngemutna rika kabehan, sedela maning kan ana Pilkada neng Indonesia. Diemut ya, dina Rebo, tanggal 09 Desember 2015.
Pilkada-ne kie serentak se-Indonesia sing arep ganti Wali kota/Wakil Wali Kota utawa Bupati/Wakil Bupati. Ya, ora susah bahas ngendi-ngendi lah ya, nyong juga ra ngerti sing neng kana-kana. Mending mbahas sing neng ngarep mata bae, yoiku Pilkada Purbalingga.

Panjenengan kabeh warga Purbalingga, aja pada nganti golput ya. Siji suara kue banget ana artine loh go salah siji calon bupati/wakil bupati. Aku si ora arep ngorak-ngopraki rika kabeh kon milih nomor pira, kue wis dadi hake dewek-dewek arep milih nomor pira. Aku Cuma ngemutna, milih bupati/wabup sing benar-benar pantes mimpin Purbalingga go tekan lima tahun ngarep. Ben Purbalingga lewih maju neng segala bidang, diantarane pendidikan, kesehatan, lan sing paling penting kesejahteraan masyarakate. Ngerti dewek mbok, siki apa-apa lagi pada larang, berase ben nganti sepuluh ewu sekilo, jyan jyan... (Tapi nyong seneng, ramane gole panen pari dadi olih batine tambah, hihihihihi)

Nah, sing perlu diperhatikan kue Pendidikan ben SPP ne ora kelarangen. Kesehatan, ben wong sing meriang dirumat bener neng Puskesmas, Klinik dokter utawa neng Rumah Sakit. Terus, kesejahteraan utawa dana bantuan masyarakat bisa disalurna ming wong sing bener-bener butuh. Lah, ana maning sing ora kalah penting, yo kui dalan. Neng Purbalingga kue esih akeh dalan sing jerene kayak “Kali Sat”. Ora usah adoh-adoh, dalan kue ya neng ngarep umahku dewek, bener-bener wis bodol. Terakhir didandani tahun 2012, nganti siki urung pernah didandani maning (lah, bahas dalan malah dadi curhat kie, tapi aku rep ora bahas kie disit. Bahas dalan neng segmen liane).

Nek Bupati lan Wakil Bupati perhatian karo masyarakat neng bidang apa bae, mesti Purbalingga maju. Dadi, aku, rika kabehan sing neng Purbalingga, sing wis wajib nyoblos (umur 17 tahun utawa sing wis due bojo), kudu nyoblos calon bupati/wabup sebener-benere. Nek perlu mengko bengi sembayang istikharoh, ben dinei petunjuk neng Gusti Allah, calon ndi sing bener-bener apik go mimpin Purbalingga.

Kayak kue, tek cukupna disitlah mbok kedawan mengko malah aku bablas gole nulis apa bae. Masalahe nek aku wis ngetik-ngetik kadang bablas bae kayak motor langka rem-e, apa bae bisa diomongna. :D Malah mengko lagi diarani kampanye, hehehe... Wis hari tenang, ora olih kampanye. Pada ndonga bae lah mayuh, calon sing apik mugo-mugo sing dadi Bupati lan Wakil Bupati Purbalingga.

Ojo lali, sedulur kabeh, ngango hak pilih secara bijak ya, :) #MenujuPurbalinggaJaya



Share this article :

5 comments:

  1. Sayange inyong lagi ngodhe neng Jakarta,dadi ora teyeng nyoblos

    ReplyDelete
    Replies
    1. ya jaluk pandongane ya, mugo2 sing dadi ya sing amanah, mimpin Purbalingga ben Pbg maju terus

      Delete
  2. Ya moga2 ngesuk tgl 9 coblosane lancar,langka alangan apa2,lan sing kepilih wong sing bener2 niat mbangun Purbalingga,udu wong sing mung nguber jabatan thok

    ReplyDelete
    Replies
    1. Aaamiin, semoga kayak kue.. semoga wong sing pada nyoblos bener2 milih wong sing bener, dudu karena duite hehehe

      Delete
  3. Ya moga2 ngesuk tgl 9 coblosane lancar,langka alangan apa2,lan sing kepilih wong sing bener2 niat mbangun Purbalingga,udu wong sing mung nguber jabatan thok

    ReplyDelete

 
Copyright © 2011. Kabare Bralink - All Rights Reserved
Desain by Darmanto Theme by Mas Kolis