Headlines News :
purbalingga
Home » , » AGEPAN NANDUR BUDIN

AGEPAN NANDUR BUDIN

Written By Kabare Bralink on Friday, January 15, 2016 | 3:52 PM

AGEPAN NANDUR BUDIN

Kaki Karta nulis layang kanggo anaké, yakuwé Saino, sing agi detahan merga dekira téroris, isi layangé :

"No, Ramané Ko kiyé wis tuwa tur ringkih. Sedhih pisan rasané mikirna nasibé Ko sing kayakuwé. Siki wis mangsané nandur budin, No. Ko apa ilokén tégin suwé golé detahan?. Ari ayakiyé, njutan sapa maning sing agepan ngréwangi Inyong macul?".

Let seminggu, Saino males layangé Ramané, golé ngirim layang detitipaken sipir penjara. Isiné layang :

"Ramané, Inyong njaluk tulung temenan ya. Keboné aja giri-giri depaculi dhimin, jalaran Inyong mendhem bedhil kambi granat neng kebon ngkono kuwé, Ma. Temenan ya Ma, poma-dipoma aja depaculi dhimin...!".

Ora ngertiya, layang sekang Saino kuwé mau, desaring (desénsor) dhimin neng petugas penjara.

Seminggu sebubaré kuwé, kaki Karta kirim layang maning :
"No, sebubaré Inyong nampa layangé Ko, teka se-peleton 'Dénsus Anti Téror' njutan maculi keboné Ramané. Ngomongé si jéré nggoléti bedhil kambi granat sing dependhem neng Ko. Ningén nyatané, kosi seambané kebon rampung golé depaculi, babar pisan ora detemokna apa-apa. Njutan siki Inyong kudu kepriwé kiyé, No...?".

Saino genti males kirim layang maning :
"Lho, siki ya gégén detanduri budin baé, Ma... Toli wis depaculna kambi bapak-bapak Dénsus, mbokan?. Aja kelalén, ngaturaken matur nuwun meng bapak-bapak Dénsus ya Ma, muga-muga olih piwales sekang Gusti Alloh sing Maha Welas lan Asih..!".

Hé...hé...hé...

kabaré BRALINK
tabloidé wong Purbalingga

(de-Banyumasaken sekang 'Guyonan Jawa Timuran' kirimané mba Estining 'Engky' Pamungkas)

Agus Waluyo / Kabare Bralink

#Ngapak #Purbalingga #Singkong #Dablongan #Guyon
Share this article :

0 comments:

Speak up your mind

Tell us what you're thinking... !

 
Copyright © 2011. Kabare Bralink - All Rights Reserved
Desain by Darmanto Theme by Mas Kolis